Irani nuk mund të mbajë botën ‘peng’ me marrëveshjen nukleare, thotë Haley

00:29 | 16 Gusht 2017
Trina Galanxhi

Ambasadorja e SHBA-ve në OKB, Nikki Haley, ka theksuar se Irani duhet të marrë përgjegjësinë për ‘nisjen e raketave, mbështetjen e terrorizmit, mosrespektimin e të drejtave të njeriut dhe shkeljen e rezolutave të Këshillit të Sigurimit’.

Haley i ka bërë komente pasi Presidenti iranian, Hassan Rouhani, tha se Irani mund të braktisë marrëveshjen e saj bërthamore me fuqitë botërore ‘brenda disa orësh’ nëse SHBA-të imponojnë më shumë sanksione të reja, transmeton portali arbresh.info

“Irani nuk duhet të lejohet që të mbajë botën ‘peng’ me marrëveshjen e saj bërthamore”, ka thënë Haley, duke shtuar se sanksionet amerikanë nuk kanë të bëjën aspak me marrëveshjen në fjalë.

Haley do të udhëtojë në Vienë gjatë javës së ardhshme ku pritet të diskutohet në lidhje me marrëveshjen bërthamore të nënshkruar mes Uashingtonit dhe Teheranit në vitin 2015./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm