Google ADS

Irani “nuk do vaksina amerikane”, kthen mbrapsh 820 mijë doza

09:09 | 22 Shkurt 2022
Trina Galanxhi

Irani ka kthyer 820 mijë doza të vaksina kundër koronavirusit të ardhura nga Polonia, me arsyen se ato janë prodhuar në Shtetet e Bashkuara, njoftoi sot televizioni shtetëror iranian.

Zyrtari i Ministrisë iraniane të Shëndetësisë, Mohamed Hashemi tha se Polonia dhuroi rreth një milion doza të vaksinës AstraZeneka, por kur mbërritën në Iran u mësua se 820 mijë doza të vaksinave ishin nga Shtetet e Bashkuara.

“Pas bisedimeve me ambasadorin e Iranit në Poloni, u vendos që vaksinat të kthehen”, tha ai.

Udhëheqësi suprem i Iranit, Ayatollah Ali Khamenei, i cili ka fjalën e fundit për të gjitha çështjet shtetërore, në vitin 2020 hodhi poshtë çdo mundësi që vaksinat amerikane ose britanike të hynin në vendin e tij.

Më shumë se 135 mijë vdekje nga koronavirusi janë regjistruar në Iran që nga fillimi i pandemisë, duke e bërë kështu vendin me numrin më të lartë të vdekjeve në Lindjen e Mesme./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm