Irani fajëson Arabinë Saudite për sulmet në Teheran

17:58 | 7 Qershor 2017
Arbresh.info

Garda Revolucionare e Iranit ka akuzuar Arabinë Saudite për orkestrimin e sulmeve vdekjeprurëse në Teheran, ku mbetën të paktën 12 të vrarë.

Më herët grupi terrorist Shteti Islamik mori përgjegjësinë për sulmet, transmeton portali arbresh.info.

“Ky sulm terrorist ndodhi vetëm një javë pas takimit midis presidentit të SHBA (Donald Trump) dhe udhëheqësve të prapambetur (Saudit) që mbështesin terroristët. Fakti që Shteti Islamik ka marrë përgjegjësinë dëshmon se ata ishin të përfshirë në sulmin brutal”, thuhet në  deklaratën e cituar nga Reuters.

Më parë, gjeneral brigade Hossein Salami, zëvendëskomandanti i IRGC, u zotua se do të hakmerren për sulmin.

“Nuk do të ketë asnjë dyshim se do të hakmerremi për sulmet e sotme në Teheran, mbi terroristët, bashkëpunëtorët e tyre dhe mbështetësit e tyre”, tha ai, siç citohet nga agjencia e lajmeve Mehr./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm