Irani ka njoftuar se ushtria e tij “pa dashje” goditi një aeroplan, duke vrarë të gjithë 176 personat në bord.

Deklarata e publikuar këtë mëngjes fajëson “gabim njerëzor” për incidentin, duke shtuar se ushtria e ngatërroi Fluturimin 752 për një objektiv armiqësor, transmeton portali arbresh.info.

Press TV gjithashtu citoi Shtabin e Përgjithshëm të Forcave të Armatosura të Iranin duke thënë se aeroplani kishte fluturuar në një vend sensitiv ushtarak.

Ushtria tha se ishte në “nivelin më të lartë të gatishmërisë” mes tensioneve të ngritura me Shtetet e Bashkuara.

“Në një gjendje të tillë, për shkak të gabimit njerëzor dhe në një mënyrë të paqëllimshme, fluturimi u godit”, tha ushtria. Ai kërkoi falje dhe tha se do të azhurnonte sistemet e tij për të parandaluar tragjeditë e ardhshme.

Në një deklaratë të postuar në mediat sociale, Presidenti iranian Hassan Rouhani shkroi se vendi “ndjente keqardhje të thellë për këtë gabim katastrofik”.

“Mendimet dhe lutjet e mia shkojnë për të gjitha familjet në zi. Unë ofroj ngushëllimet e mia të sinqerta,” tha ai, duke shtuar se “hetimet vazhdojnë për të identifikuar dhe ndjekur penalisht këtë tragjedi të madhe dhe një gabim të pafalshëm”.

Irani kishte mohuar për disa ditë se një raketë rrëzoi avionin. Por atëherë SHBA dhe Kanadaja, duke përmendur inteligjencën, thanë se ata besojnë se Irani rrëzoi avionin./arbresh.info/