Irani dhe Koreja Veriore zotohen për të forcuar marrëdhëniet

21:36 | 19 Shkurt 2017
Arbresh.info

Në një raport të agjencisë së lajmeve ICANA të parlamentit iranian, thuhet se zëdhënësi i parlamentit Ali Larijani ka thënë se: “Ne gjithmonë kemi qenë pro stabilitetit të marrëdhënieve me Korenë e Veriut”, duke shtuar se të dy vendet duhet të përmirësojnë marrëdhëniet ekonomike.

Këto pohime ai i bëri gjatë takimit me Choe Thae-bok, kryetarin e Kuvendit të Lartë Popullor të Koresë Veriore,  i cili përkrahi idenë për përmirësim të gjendjes.

Thae-bok u përgjigj duke thënë: “Koreja e Veriut është e gatshme të punojë për përmirësimin e marrëdhënieve me Iranin”, duke vlerësuar gjithashtu përmirësimet ekonomike dhe ato të mbrojtjes së Iranit.

Në raport gjithashtu thuhej se të dy zyrtarët u ankuan për “ndërhyrje në vendet e pavarura” nga Shtetet e Bashkuara.

Shpërndaje në rrjete sociale

Lajmet më të lexuara

Të ngjashme

Foto lajm