Një foshnjë e porsalindur në qytetin Meshhed të Iranit është infektuar me koronavirusin e ri (COVID-19), transmeton Anadolu Agency (AA).
Sipas Agjencisë së Lajmeve Mehr, Ahmed Shah Ferhat, akademik në Universitetin e Shkencave Mjekësore, njoftoi se është testuar një i porsalindur, nëna e të cilit është infektuar me COVID-19, dhe se foshnja ka rezultuar pozitiv.
Foshnja me peshë 900 gramë mbahet për trajtim në Spitalin Imam Riza, njoftoi akademiku, duke shtuar: “Foshnja, 24 orët e para pas lindjes kishte vështirësi të frymëmarrjes. Tani mund të marrë frymë pa njësi mbështetëse”.
Pas shfaqjes për herë të parë në Wuhan të Kinës dhjetorin e kaluar, koronavirusi i ri, i njohur zyrtarisht si COVID-19, është përhapur në rreth 200 vende dhe rajone në gjithë botën.
Më shumë se 777.000 raste janë raportuar në të gjithë botën, ndërsa mbi 37.000 njerëz kanë humbur jetën dhe mbi 164.000 janë shëruar.
Sipas të dhënave të fundit, numri i të vdekurve nga COVID-19 në Iran është 2.757, ndërsa ai i rastve 41.595.
Rama bën inspektimin e punimeve në tunelin e Kurrizit në lag...
Operacioni “007”, policia sekuestron 10 kg kokainë në vlerë ...
Policia: Bëni kujdes, ngasja në mjegull është e rrezikshme
Hovenier: Vizita e O’Brien për ta avancuar Kosovën në rrugën...
Ambasadori Hovenier: Biseda të rëndësishme në takimet e O’Br...
“Komunikata e 59’të”, Fadil Geci për Ramë Bujën: Më tha kam ...