Google ADS

Iraku planifikon të dëbojë gratë dhe fëmijët e ekstremistëve të ISIS-it

10:42 | 19 Shtator 2017
Arbresh.info

Iraku është duke u përgatitur të dëbojë më shumë se 500 gra të xhihadistëve të Shtetit Islamik së bashku me mbi 800 fëmijë, raporton AFP.

Grupi është zhvendosur nga një kamp në jug të Mosulit, që udhëhiqet nga agjenci ndërkombëtare, tek një qendër paraburgimi në Tal Kayf, transmeton portali arbresh.info

Një këshilltar i Nineveh ka thënë për AFP që kryeministri Haider al-Abadi kishte urdhëruar transferim tek qendra e mbajtjes, duke shtuar që “mund të jetë pjesë e përgatitjeve për dëbimin e tyre në vendin e origjinës”.

Një ministër irakian i ka thënë agjencisë që gratë janë “të huaj të cilët kanë hyrë në vend ilegalisht”.

Grupi prej 509 grave e 813 fëmijëve besohet se vijnë nga 13 shtete të ndryshme në Evropë, Azi dhe Amerikë. Rreth 300 janë turq, sipas zyrtarëve qeveritarë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm