Në një video që po qarkullon nëpër rrjetet sociale, një burrë pretendon se është “Mesia i shumëpritur që do t’u japë fund të gjitha luftërave” dhe do të sjellë paqe në Tokë.

“Në botën e të gjallëve”, irakiani deklaron në video, “Unë quhem Hashim Sahim Jabar”, kurse në realitet thotë se , “Unë jam Jezu Krishti, djali i Mërisë”, transmeton portali arbresh.info.

“Jam shfaqur nga Karkh i Bagdadit në Irak, paraqitja ime është një mëshirë për dy botët (jetën e tashme dhe të përtejme).. dhe Zoti më ka dërguar tek ju për të sjellur barazi dhe drejtësi në një botë të mbushur me plot me paudhësi dhe padrejtësi”.

“Kam ardhur në Irak dhe në botën e qafirëve (jo-besimtarët)”, thotë ai, duke përdorur fjalën përbuzëse që u referohet njerëzve jashtë besimit islam.

Deri më tani, është e paqartë nëse përmbajtja e videos ka për qëllim të jetë me humor, por shumica e përdoruesve në mediat sociale e shohin atë si të tillë.

Të tjerë, megjithatë, ia atribuojnë fjalët e njeriut dhe rastet e llojit që dalin dhe përhapen në ueb çrregullimit të shëndetit mendor.

“Ardhja ime është një bekim për të gjithë [popujt],” thotë ai./Arbresh.info/