Sipas një njoftimi të ushtrisë irakiane, të paktën 11 efektiva të sigurisë humbën jetën pas një sulmi vetëvrasës në jug të qytetit Tikrit, kontrolluar nga militantët e ISIS-it.
“Tre kamikazë, që drejtonin tre kamionë-çisternë, kanë hedhur veten në erë pranë një grumbulli anëtarësh të forcave të sigurisë”, theksoi të shtunën një nënkolonel i ushtrisë irakiane.
“Forcat e sigurisë kanë hapur zjarr dhe kanë arritur të ndalojnë dy kamionë, por i treti i është afruar grupit dhe kamikazi ka shpërthyer”, shtoi ai.
Sulmi ndodhi pranë qytezëz Sur Shnas, një qendër arkeologjike në brigjet e lumit Tigër, mes Samarras dhe Tikritit, dy nga qytetet më të mëdha të Provincës Salahedin, në veri të Bagdadit.
Vetëm dy para këtij sulmi vetëvrasës, militantë të organizatës terroriste ISIS kryen një tjetër akt barbar, duke shkatërruar vlera unike të trashëgimisë kulturore botërore në Muzeun e Mosulit.
“Mund të mos e kisha parë me vite”- Trump zbulon letrën e lë...
Asllani në formacionin e javës në Serie A, sipas SofaScore
Shefi i ushtrisë izraelite jep dorëheqje për shkak të sulmit...
Kurti merr pjesë në Forumin Ekonomik në Davos, ku do të nëns...
Presidenti Trump shpalos vizionin në ditën e parë të mandati...
Presidentja Osmani e pikëlluar pas tragjedisë që ndodhi në T...