India ka vendosur karantinë të detyrueshme për të gjithë shtetasit britanikë që udhëtojnë atje , edhe nëse ata janë plotësisht të vaksinuar kundër Covid-19.

Nga e hëna, qytetarët britanikë do të duhet të kalojnë dhjetë ditë karantinë në shtëpi pasi të mbërrijnë në Indi, transmeton arbresh.info

Qeveria indiane tha se ndryshimi solli “reciprocitet” në rregullat e saj

Ka pasur tensione midis dy vendeve për versionin indian të vaksinës AstraZeneca, e njohur si Covishield.

Indianët të cilët janë plotësisht të vaksinuar me atë vaksinë, përsëri duhet të karantinohen kur të mbërrijnë në Mbretërinë e Bashkuar.

Por udhëtarët e vaksinuar në mënyrë të ngjashme në Britani nga shumë vende të tjera nuk po përballen me të njëjtat kufizime.

Zyrtarët në Mbretërinë e Bashkuar miratuan Covishield muajin e kaluar pas një reagimi të madh në Indi kundër asaj që shumë e panë si një rregull diskriminues.

Është vaksina kryesore e Indisë, me më shumë se 720 milion doza të dhëna deri më tani. Thjeshtë njësoj si vaksina AstraZeneca e përdorur në në Mbretërinë e Bashkuar.

Rregullat e reja të udhëtimit në Mbretërinë e Bashkuar që do të hyjnë në fuqi të hënën diktojnë që udhëtarët nga një sërë vendesh nuk do të duhet të izolohen nëse vaksinohen plotësisht.

Por India nuk është në atë listë, e cila ka nxitur protesta të mëtejshme dhe akuza për diskriminim.

Muajin e kaluar, Ministri i Jashtëm Indian Subrahmanyam Jaishankar u takua me homologen e tij në Mbretërinë e Bashkuar Liz Truss në OKB në Nju Jork dhe i kërkoi asaj të zgjidhte çështjen e karantinës./bbc/arbresh.info/