Një grup prej të paktën tetë personash të veshur si Ku Klux Klan (KKK) kanë dalë jashtë një qendre islamike në qytetin e Irlandës së Veriut gjatë fundjavës, në një incident që po trajtohet nga policia si krim i urrejtjes.
Një fotografi e publikuar në mediat sociale tregon grupin, gjithashtu duke bartur kryqe, afër Qendrës Islamike të Bangladeshit në Newtownards, në lindje të Belfastit, transmeton portali arbresh.info.
Një kokë derri ishte lënë jashtë qendrës së njëjtë në gusht të vitit të shkuar, sipas mediave britanike.
“Ne jemi duke e trajtuar këtë si krim të urrejtjes”, tha inspektori Richard Murray, nga Shërbimi Policor i Irlandës së Veriut në një deklaratë.
KKK është një grup supremacist i bardhë u formuar në shekullin 19, pas heqjes së skllavërisë në Shtetet e Bashkuara.
Grupi gjithashtu paraqiti për fotografi në një pijetore në qytet me Sharon Mellor, të dashurën e Tony Martin, kreu i anës së ekstremit të djathtë Fronti Kombëtar, njoftoi Belfast Telegraph.
Gazeta publikoi një figurë që tregonte Mellorin me dikë të veshur me një kostum të KKK-së të spërkatur me atë që dukej si gjak dhe mbante një birrë.
Ajo i tha gazetës se njerëzit ishin të “huaj të rastit”.
Gazeta tha se Mellor kishte bërë “shaka” tre vjet më parë për përpjekjen për t’ia vënë zjarrin qendrës islamike në qytet./Arbresh.info/
Policia ende në kërkim të të dyshuarit për vrasjen e 42-vjeç...
Dy profesorë të UP-së, në top 2% të shkencëtarëve më të mirë...
Gara për drejtuesin e policisë, Hoxha: Procesi po monitorohe...
Kurti: Kosova një fener i demokracisë dhe të drejtave të nje...
Kurti viziton pavijonin e Kosovës në Bienalen e Venedikut
Policia në Gjilan ligjëron fëmijët për siguri në komunikacio...