Google ADS

Hungari: Dënohen personat përgjegjës për vdekjen e imigrantëve

20:32 | 14 Qershor 2018
Trina Galanxhi

Një gjykatë hungareze dënoi të enjten katër persona me 25 vjet burg për vdekjen e 71 emigrantëve, viktima të asfiksimit brenda një kamioni në vitin 2015.

Ata u arrestuan pas një operacioni kundër trafikut të qënieve njerëzore.

Të katër personat u dënuan për vrasje, me një vendim gjykate në qytetin e Kecskemetit.

Në gusht 2015, autoritetet gjetën trupat e 59 burrave, tetë grave dhe katër fëmijëve në një kamion të braktisur në një autostradë austriake.

Viktimat vinin nga Afganistani, Iraku dhe Siria.

Ata ishin mes qindra mijëra emigrantëve të tjerë, që po përpiqeshin të hynin në Gjermani gjatë kulmit të krizës më të rëndë të emigrantëve në Evropë, që nga Lufta e Dytë Botërore./voa/

Shpërndaje në rrjete sociale

Lajmet më të lexuara

Të ngjashme

Foto lajm