Holanda ndan 350 milionë euro për Ukrainën

23:38 | 20 Mars 2024
E.H

Holanda do t’i sigurojë Ukrainës 350 milionë euro (299 milionë £) për municionet e avionëve luftarakë F-16 dhe dronët e avancuar të zbulimit.

Paketa u njoftua nga ministrja holandeze e mbrojtjes Kajsa Ollongren sonte në Kiev, ku ajo kishte shkuar për të “solidarizuar”, shkruan SkyNews, transmeton Arbresh.info.

Ministri holandez i mbrojtjes tha se 150 milionë euro do të financojnë raketa të drejtuara ajër-tokë që mund të lëshohen nga F-16, ndërsa pjesa tjetër do të shkojë për dronët e vëzhgimit.

Danimarka, Holanda dhe SHBA-ja presin të dorëzojnë të parin nga dhjetëra F-16 në Ukrainë këtë verë, pasi kanë ngritur një program trajnimi pilotësh dhe kanë dhuruar avionë.

Ollongren tha se avioni danez do të mbërrinte i pari dhe do të pasohej nga avionët e parë holandez më vonë këtë vit.

“Kam shumë besim se ne do të fillojmë dërgimin e F-16 këtë verë,” tha ajo. “Pra, në gjysmën e dytë të vitit F-16-të holandezë do të shkojnë në këtë mënyrë”, tha ajo.

Shpërndaje në rrjete sociale

Lajmet më të lexuara

Të ngjashme

Foto lajm