Ligjvënësit në shtetin Hidalgo të Meksikës të mërkurën votuan për heqjen e ndëshkimeve për abortin me zgjedhje, duke e bërë Hidalgo shtetin e tretë në vendin kryesisht katolik romak për të lejuar gratë të zgjedhin t’i japin fund shtatzënisë së tyre.
Nisma kaloi me 16 vota pro dhe një abstenim me 28 ligjvënës të pranishëm, tha kongresi i Hidalgo në Twitter, transmeton arbresh.info
Vetëm kryeqyteti i madh i Mexico City dhe shteti jugor i Oaxaca gjithashtu lejojnë gratë të zgjedhin abortin ose jo, për sa kohë që ato janë brenda 12 javësh të shtatzënisë.
Ligji i Hidalgo, i cili ndjek të njëjtat terma, do të hyjë në fuqi sapo të botohet në gazetën zyrtare të qeverisë së shtetit.
Hidalgo, i cili është fqinjë me Mexico City, më parë kishte lejuar abortin vetëm në raste të caktuara, përfshirë edhe nëse nëna ishte përdhunuar.
Disa dhjetra gra të veshura me banda të gjelbërta që simbolizojnë lëvizjen për të drejtat e abortit shpërthyen në brohoritje dhe duartrokitje jashtë seancës ndërsa u njoftua numërimi i votave, treguan mediat lokale.
Megjithëse Amerika Latine ka disa nga ligjet më të ashpra në botë të aborteve, një lëvizje në rritje ka bërë thirrje për lehtësimin e kufizimeve dhe Argjentina legalizoi procedurën në dhjetor./reuters/arbresh.info/
Kurti: Rusia dhe Serbia, vende që orientohen nga ideologjia ...
Prokuroria zbulon ‘paktin’ mes ultrasve të Milanit dhe Inter...
1 mijë euro bursa, Nagavci nënshkruan vendimin për ekzekutim...
Krasniqi: Fuqizimi i grave në vendimmarrje të jetë prioritet...
Me ftesë të Blinkenit, Gërvalla merr pjesë në takimin për lu...
Nuk ka mbaruar ende vera për Taynen, shfaqet e veshur me bik...