Hemorragji cerebrale, ndërron jetë ish-kryetari i socialistëve në Spanjë

22:57 | 10 Maj 2019
Trina Galanxhi

Alfredo Perez Rubalcaba, ish-kryetari i Partisë Socialiste spanjolle (PSOE) ka ndërruar jetë në moshën 67-vjeçare për shkak të një hemorragjie cerebrale.

Gjatë karrierës së tij, Alfredo Perez Rubalcaba ka qenë edhe Ministër i Arsimit, Ministër i Brendshëm dhe zëvendëskryeministër.

Gjatë kohës që ka mbajtur postin e Ministrit të Brendshëm është dalluar më së shumti për tentativat që ka bërë me terroristët e ETA-s, të cilët në vitin 2011 ndaluan luftimet.

Rubalcaba dha dorëheqjen nga drejtimi i PSOE pas zgjedhjeve evropiane në vitin 2014, ku partia mori vetëm 23% të votave. Në vend të tij, u zgjodh kryeministri aktual spanjoll, Pedro Sanchez./Opinion.al

Shpërndaje në rrjete sociale

Lajmet më të lexuara

Të ngjashme

Foto lajm