Kryeministri i Shqipërisë, Edi Rama po qëndron për vizitë zyrtare në Turqi ku është pritur në takim nga presidenti turk, Recep Taip Erdogan.
Në takimin Rama-Erdogan, prezent ka qenë edhe ministri i Jashtëm i Shqipërisë, Igli Hasani i cili ka dhënë detaje rreth diskutimeve të tyre.
Me anë të një postimi në llogarinë e tij në Facebook, Hasani ka theksuar se vlerësojnë progresin e shkëlqyer të partneritetit strategjik, teksa ka shtuar se janë të vendosur për thellimin e bashkëpunimit mes Shqipërisë dhe Turqisë.
“Në takimin e parë të Këshillit të Bashkëpunimit të Nivelit të Lartë Shqipëri-Turqi në Ankara, ne vlerësuam progresin e shkëlqyer të partneritetit tonë strategjik dhe identifikuam fushat dhe sektorët prioritarë për një bashkëpunim të mëtejshëm akoma edhe më të fortë nën rrethanat gjeopolitike në rajon, në Evropë dhe më gjerë”, ka shkruar Hasani.
“Si partnerë strategjikë, ne jemi të vendosur të thellojmë marrëdhëniet e shkëlqyera dhe miqësinë e vërtetë mes Shqipërisë dhe Turqisë”, shtoi ai./Arbresh.info
Kurti kujton zyrtarin e EULEX-it të vrarë në veri 11 vjet më...
Sveçla kujton Audrius Šenavičius, në 11 vjetorin e vrasjes s...
Benfica shënon fitore të madhe në Beograd
Leverkuseni ‘demolon’ Feyenoordin në Ligën e Kampionëve
Monaco-Barcelona, formacionet zyrtare
Gjimshti starton ndaj Arsenalit, këto janë formacionet zyrta...