Hamasi deklaroi se hyrja e Izraelit në Rafah përbën një “katastrofë humanitare”, duke paraqitur “një kërcënim të drejtpërdrejtë për më shumë se 1.5 milionë palestinezë të zhvendosur”.
Grupi militant tha në një deklaratë se Forcat Mbrojtëse të Izraelit (IDF) “filluan një agresion tokësor” në Rafah, ku trupat izraelite morën kontrollin e anës palestineze të pikës kufitare me Egjiptin, shkruan CNN.
Në një deklaratë të veçantë, Ministria e Brendshme dhe Siguria Kombëtare e Gazës paralajmëroi se “mbyllja e kalimit Rafah në kontekstin e kushteve katastrofike në Rripin e Gazës përkeqëson krizën humanitare dhe izolon plotësisht Rripin nga bota e jashtme. Ai përfaqëson një politikë ndëshkimi kolektiv ndaj më shumë se 2 milionë njerëzve”.
Ministria e përshkroi kalimin si “një litar kryesor shpëtimi për qytetarët në Rripin e Gazës”, i cili “nuk përfaqëson asnjë kërcënim për pushtimin izraelit”./abcnews.al
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...