Guterres: Ka rrezik real të luftës

09:28 | 3 Maj 2018
Arbresh.info

Sekretari i Përgjithshëm i OKB-së Antonio Guterres ka kërkuar nga Donald Trump që të mos dalë nga marrëveshja ndërkombëtare e dizajnuar për të parandaluar Iranin të prodhojë armë bërthamore.

Duke folur për BBC, Guterres tha që kishte rrezik real për luftë nëse nuk ruhet marrëveshja e vitit 2015, transmeton portali arbresh.info.

Trump ka qenë një kritik i fortë i marrëveshjes, në të cilën Irani pranoi të kufizonte programin e saj bërthamor në këmbim të heqjes së sanksioneve.

Presidenti amerikan ka kohë deri më 12 maj të vendosë nëse duhet të qëndrojë me marrëveshjen.

Guterres i tha BBC se marrëveshja e Iranit ishte një “fitore e rëndësishme diplomatike” dhe duhet të ruhet.

“Ne nuk duhet ta heqim atë nëse nuk kemi një alternativë të mirë,” tha ai, duke shtuar: “Ne përballemi me kohë të rrezikshme”.

Deklarata e tij vjen vetëm disa ditë pasi Izraeli zbuloi “skedarë të fshehtë bërthamorë” duke e akuzuar Iranin se kishte ndjekur fshehurazi armë bërthamore./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm