Google ADS

”Grupi i Normandisë” sot diskuton për konfliktin në Ukrainë

08:55 | 11 Qershor 2018
A. B.

Ministrat e Jashtëm të Gjermanisë, Francës, Rusisë dhe Ukrainës, do të takohen të hënën në Berlin për të diskutuar konfliktin në lindje të Ukrainës.

Në negociatat e njohura si “Formati i Normandisë”, pritet të diskutohet çështja e angazhimit të një misioni paqeruajtës të Kombeve të Bashkuara në zonën e konfliktit.

Sipas mediave të huaja të gjitha palët mbështesin një mision paqeruajtës në lindje të Ukrainës, mirëpo kanë mospajtime rreth mandatit të tij.

Gjermania dhe Franca dëshirojnë që trupat të vendosen në të gjitha zonat e kontrolluara nga rebelët e përkrahur nga Rusia, duke përfshirë kufirin Ukrainë-Rusi.

Rusia kundërshton këtë ide.

Më shumë se 10,300 persona janë vrarë në luftimet në mes të separatistëve të mbështetur nga Rusia dhe forcave ukrainase në lindje të Ukrainës nga prilli i vitit 2014.

Përpjekjet për të krijuar armëpushim në zonën e konfliktit kanë dështuar.

Shpërndaje në rrjete sociale

Lajmet më të lexuara

Të ngjashme

Foto lajm