Gjindet avioni që disa ditë më parë u zhduk papritur, të 19 udhëtarët janë gjallë

22:01 | 16 Korrik 2021
A. B.

Aeroplani i pasagjerëve An-28, i cili humbi lidhjen me radarët në rajonin Tomsk të Siberisë në Rusi është gjetur.

Mediet e huaja shkruajnë se të gjithë udhëtarët janë gjallë. “Avioni është lokalizuar”, tha burimi, duke shtuar se pasagjerët dhe ekuipazhi ishin mirë.

Informacioni u konfirmua nga Ministria e Situatave të Emergjencës duke vënë në dukje se 19 persona ishin në bord, përfshirë dy fëmijë, raporton TCh.

Ndërkohë, Drejtoria e Hetimit të Transportit Siberian Perëndimor, e cila raporton në Komitetin Hetimor të Rusisë, ka ndjekur penalisht kompaninë ajrore për shkeljen e rregullave të aviacionit dhe trafikut ajror.

Shpërndaje në rrjete sociale

Lajmet më të lexuara

Të ngjashme

Foto lajm