Google ADS

Gjermania zbulon rastin e parë të variantit të ri mpox Ib

14:16 | 22 Tetor 2024
K.B

Rasti i parë i variantit të ri mpox është zbuluar në Gjermani, tha të martën Instituti Robert Koch (RKI) për shëndetin publik, duke shtuar se rrezikun për popullatën e gjerë e shikonte si të ulët. Në një deklaratë, instituti tha se një infeksion i shkaktuar nga varianti i ri, i cili ishte marrë jashtë vendit, u zbulua më 18 tetor.

“RKI aktualisht konsideron se rreziku për shëndetin e popullatës së përgjithshme në Gjermani është i ulët,” tha RKI, duke shtuar se po monitoron situatën nga afër.

Organizata Botërore e Shëndetësisë shpalli linë e majmunëve një emergjencë globale të shëndetit publik për herë të dytë në dy vjet në gusht, pas një shpërthimi të infeksionit viral në Republikën Demokratike të Kongos që është përhapur në vendet fqinje.

Shenja e parë e përhapjes së tij jashtë kontinentit afrikan erdhi më 15 gusht kur zyrtarët globalë të shëndetësisë konfirmuan një infeksion me një lloj të ri të virusit mpox në Suedi./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm