Google ADS

Gjermania vendos karantinë për udhëtarët e jugut të Francës

23:04 | 7 Gusht 2021
Arditë Shkodra

Gjermania do të vendosë nga e diela një karantinë për udhëtarët e paimunizuar nga COVID-19, që vijnë nga tre rajone të Francës jugore, njoftoi Instituti Robert Koch për Mbikëqyrjen e Shëndetit Publik (RKI).

Udhëtarët që vijnë nga këto rajone turistike do të duhet të karantinohen për 10 ditë, nëse nuk kanë një pasaportë shëndetësore që vërteton se janë vaksinuar plotësisht ose janë shëruar nga COVID-19.

Kjo periudhë izolimi mund të reduktohet në pesë ditë, pas paraqitjes së një testi negativ.

Instituti ka vendosur t’i klasifikojë rajonet Occitanie, Provence-Alpes-Côte-d’Azur dhe Corse si zona me “rrezik të lartë” infektimi me koronavirusin e ri, me një incidencë të rasteve të reja më të mëdha se 200 për 100 000 banorë gjatë shtatë ditëve.

Spanja, një tjetër destinacion i popullarizuar turistik për gjermanët, ka qenë gjithashtu në këtë kategori që nga fundi i korrikut./tch

Shpërndaje në rrjete sociale

Lajmet më të lexuara

Të ngjashme

Foto lajm