Vala e tretë e koronavirusit ka filluar në Gjermani, tha presidenti i Institutit të Berlinit “Robert Koch”, Lothar Weller.

Ai ka deklaruar se numri i pacientëve me Covid-19 është duke u rritur, transmeton portali arbresh.info

“Unë jam shumë i shqetësuar”, thotë Weller dhe paralajmëron që, përkundër vaksinimit, duhet të respektohen masa të tilla si mbajtja e maskës dhe mbajtja e distancës fizike.

Incidenca shtatë ditore, e cila tashmë kishte rënë në 50, u rrit dje në Gjermani në 70 të infektuar rishtas për 100,000 banorë.

Në një javë, numri i të sapo infektuarve në Gjermani u rrit me 21 përqind.

Deri më tani, 5.7 milion gjermanë janë vaksinuar, ose 6.9 përqind e popullsisë, nga të cilat 3.2 përqind kanë marrë të dy dozat e vaksinës.

Kreu i Institutit “Robert Koch” përjashtoi thuajse heqjen e masave epidemiologjike, sepse pritet që vala e tretë të ndezë shtame shumë më ngjitëse.

Masa pak më të buta kanë qenë në fuqi në Gjermani që nga fillimi i javës. Dyqanet e luleve dhe dyqanet e librave janë rihapur, qendrat e kopshtit dhe dyqanet e tjera mund të hapen./arbresh.info/