Gjermania ka njoftuar masa më të ashpra, më të shënjestruara për të përmbajtur shpërthimet lokale të koronavirusit dhe të shmangin një valë të dytë.
Sipas rregullave të reja ndalohet udhëtimi brenda dhe jashtë zonave të prekura për të kufizuar përhapjen, sipas një marrëveshjeje të miratuar nga autoritetet federale dhe lokale, transmeton portali arbresh.info.
Vendimi vjen, pasi që edhe shtetet tjera në botë janë duke rivendosur ndalesa në jetën publike si përgjigje ndaj rritjes së infeksioneve të reja.
Gjermania, e cila ka qenë më pak e prekur nga pandemia se shumë nga fqinjët e saj, synon t’u përgjigjet grupimeve të reja me bllokime hiper-lokale dhe gjurmimit dhe testimit të shpejtë të kontaktit – në vend së të bllokojë qytete të tëra apo rrethe.
Vendi ka regjistruar rreth 200,000 raste të koronavirusit deri më sot, dhe 9.078 vdekje, sipas Institutit Robert Koch për kontrollin e sëmundjeve.
Gjermania i ka dhënë meritat testimeve të hershme, të përhapura dhe sistemin e saj të kujdesit shëndetësor të klasit botëror për mbajtjen e shkallës së fatalitetit relativisht të ulët.
Por 534 raste të reja u identifikuan në 24 orët e kaluara së bashku me shtatë vdekje të tjera.
Nevoja për rregulla të qarta u theksua muajin e kaluar kur një shpërthim Covid-19 në një thertore në shtetin perëndimor të Rhine-Westphalia të Veriut çoi në bllokimet e para të rinovuara të Gjermanisë në dy rrethe fqinje./arbresh.info/
Kurti: Barazia gjinore, shtyllë thelbësore e të drejtave të ...
Tollovia në Merdare u kushton bizneseve
Jordan Johnson, MVP i javës së gjashtë në elitën e basketbol...
ARKEP autorizoi Starlink për të ofruar shërbime në Kosovë
Zyrtare: Sami Sermaxhaj emërohet selektor i kombëtares së Ko...
Vazhdon përplasja, Rovena këndon këngën e saj – Gresa e kënd...