Google ADS

Gjermania ka shkurtuar izolimin në pesë ditë për të infektuarit me coronavirus

20:49 | 4 Maj 2022
Lorik Gerbeshi

Gjermania njoftoi sot se izolimi për personat e infektuar me coronavirus do të shkurtohet nga shtatë në pesë ditë.

Sipas udhëzimeve të “Instituti Robert Koch”, qeveria gjermane njoftoi se varianti i ri i omicron është më pak i rrezikshëm se më parë dhe se është zvogëluar rreziku i transmetimit e infektimit të të tjerëve.

“Njerëzit e infektuar me coronavirus do të jenë në izolim vetëm për pesë ditë në vend të shtatë. Kjo bazohet në udhëzimet e reja nga Instituti Robert Koch. Shkurtimi është i mundur sepse varianti aktual i omicron është pak më i sigurt dhe kështu zvogëlon rrezikun e infektimit të të tjerëve”, thuhet në njoftimin e qeverisë gjermane.

Ata gjithashtu rekomandojnë që të gjithë që dalin pozitiv me coronavirus pas pesë ditësh izolimi të vazhdojnë me vetizolim – edhe nëse nuk kanë simptoma.

Ndryshe, Gjermania deri më tani ka pasur mbi 25 milionë raste me COVID-19 gjersa kanë vdekur më shumë se 136 mijë persona.

 

Shpërndaje në rrjete sociale

Lajmet më të lexuara

Të ngjashme

Foto lajm