Në Gjermani ka festë të madhe për lindjen e dy binjakëve të veçantë: ata janë dy këlyshë gjigantë panda nga Kopshti Zoologjik i Berlinit, të parët të lindur në këtë vend.

Nëna e tyre, Meng Meng, është një nga “ambasadorët specialë” të dërguar nga Kina.

Këlyshët e lindur jashtë vendit zakonisht largohen për në Lindje pas tre ose katër vitesh.

Për momentin Meng Meng dhe binjakët e tij nuk do të jenë të aksesueshëm për publikun.

“Ata janë mirë,” thotë drejtori i kopshtit zoologjik të Berlinit Andreas Knieriem.

Lindja e një këlyshi panda konsiderohet gjithmonë një ngjarje e jashtëzakonshme , sepse specia është e rrallë dhe në rrezik zhdukjeje.

Të dy pandat kanë lindur brenda një ore të shtunën e 31 Gushtit, pas 147 ditëve të shtatzënisë, dhe peshojnë përkatësisht 186 dhe 136 gram. Gjinia e tyre nuk është përcaktuar ende .

Mamaja Meng Meng dhe babai Jiao Qing kanë qenë mysafirë në kryeqytetin gjerman që nga qershori i vitit 2017.

Çifti u prezantua për publikun nga Kancelarja Angela Merkel dhe presidenti kinez Xi Jinping .