Gjermania ka njoftuar se do të blejë 35 avionë luftarakë F-35A të prodhimit amerikan, blerja e parë e madhe e armëve që konfirmohet publikisht që kur kancelari Olaf Scholz u zotua të rrisë shpenzimet e mbrojtjes të vendit të tij pas pushtimit të Ukrainës nga ana e Rusisë.

Qeveria gjermane i ka marrë këto vendime së bashku me një zgjedhje për t’u bërë më aktive në mbrojtjen europiane, shkruan cnn, transmeton portal arbresh.info

Scholz gjithashtu ka ndërmarrë hapa dramatikë për të kufizuar lidhjet ekonomike të Gjermanisë me Rusinë, duke përfshirë ndalimin e gazsjellësit Nord Stream 2.

F-35-të do të zëvendësojnë flotën e vjetër gjermane të Tornados, të vetmit avionë në inventarin e Luftëaffe-s të aftë për të mbajtur bomba bërthamore amerikane që ruhen në vend në rast të shpërthimit të luftës në Europë.

Vendimi për të blerë F-35 është i rëndësishëm pasi do ta bëjë forcat ajrore të Gjermanisë më të pajtueshme me pjesën tjetër të NATO-s dhe partnerët e tjerë të mbrojtjes europiane, të cilët gjithashtu synojnë të blejnë F-35.

Departamenti i Mbrojtjes i SHBA-së tha në fillim të këtij viti se F-35A të Forcave Ajrore të SHBA-së në Europë do të certifikohen për të vendosur bomba bërthamore përpara vitit 2023.

F-35 vjen në tre versione, A, B dhe C, me vetëm F-35A të pajisur me aftësi bërthamore.

Avionët luftarakë do të jenë një përmirësim i rëndësishëm për Gjermaninë. Ndërsa Tornado, i cili ka qenë në shërbim aktiv që nga vitet 1980 dhe do të hiqet gradualisht deri në vitin 2030, ishte i aftë të mbante armë bërthamore amerikane, ai është konsideruar prej kohësh një opsion i vjetëruar në luftën moderne.

Blerja e avionëve luftarakë vjen në kontekstin më të gjërë të një ndryshimi të madh të Gjermanisë në sistemin mbrojtës.

Gjermania, një vend që ka rezistuar të bëhet një fuqi ushtarake që nga fundi i Luftës së Dytë Botërore, është zotuar të rrisë në mënyrë dramatike buxhetin e saj të mbrojtjes në përputhje me kërkesat e NATO-s prej 2%.

Scholz tha se rritja e shpenzimeve, e cila do të kalojë nga 47 miliardë euro në 2021 në 100 miliardë euro në 2022, ishte një pranim se Gjermania “do të duhet të investojë më shumë në sigurinë e vendit tonë për të mbrojtur lirinë dhe demokracinë tonë”.

Rritja e shpenzimeve do të bëjë Gjermaninë vendim me financat më të mëdha në Europën Perëndimorë dhe në këtë mënyrë do të luajë rol të madh në sigurinë europiane./arbresh.info/