Që kur SHBA qeveriset nga Donald Trump, gjermanët kanë filluar të distancohen nga vëllai i madh, Amerika. Në këtë përfundim arrin një sondazh i fondacionit Körber, shkruan Deutsche Welle.
Gjermanët kanë shumë arsye t’i jenë mirënjohës Shteteve të Bashkuara: SHBA mbështeti Planin Marshall, e lidhi Gjermaninë me Perëndimin, e ndihmoi në ribashkimin dhe shumë më tepër. Por mbi miqësinë historike ka rënë një hije e errët: Presidenti Trump i detyron gjermanët të ndryshojnë prioritetet në politikën e jashtme. Megjithatë SHBA, është partneri i dytë më i rëndësishëm pas Francës. Por vetëm 35 përqind e gjermanëve janë të këtij mendimi, një vit më parë ishin 43 përqind. Politika e SHBA-së krijon shqetësim tek gjermanët. 28 përqind i shohin marrëdhëniet transatlantike si sfidën më të madhe të politikës së jashtme (ndërsa më 2017-n ishin 19 %). Shqetësim më të madh se kjo krijon vetëm politika e migracionit dhe refugjatëve.
Shumica kërkon rritjen e shpenzimeve për armatimin
73 përqind e gjermanëve i vlerësojnë marrëdhëniet bilaterale si të këqija dhe shumë të këqija. Edhe këtu shihet rritje në krahasim me vitin e kaluar kur shifra ishte 56 %. Kurse anasjelltas, 70 përqind e amerikanëve e shohin marrëdhënien me Gjermaninë si të mirë dhe shumë të mirë. Me sa duket ata vlerësojnë politikën e Angela Merkelit, më shumë se të presidentit të tyre. Ai nervozohet kryesisht që Gjermania nuk jep më shumë para për mbrojtjen. Në këtë pikë shumë gjermanë i japin të drejtë Trumpit: Një numër i konsiderueshëm prej 43 përqind e gjermanëve janë për rritjen e buxhetit të mbrojtjes (më 2017-n ishin 32 %). 40 përqind duan që këto shpenzime të mbeten sa janë (më 2017 mendonin kështu: 51 %), 14 përqind duan t‘ i ulin shpenzimet.
Edhe Europa është shqetësim për Gjermanët
Por edhe në vendet më të afërta fqinje Gjermania nuk shikon arsye për t’u kënaqur. Shtimi i populizmit dhe nacionalizmit si dhe Brexiti e kanë bërë shikimin më të vrenjtur. Kështu për shembull 63 përqind e të pyeturve thonë se BE ndodhet në rrugë të gabuar, vetëm 32 përqind mendojnë se është duke u zhvilluar pozitivisht. 77 përqind e shohin bashkëpunimin midis vendeve të BE të dobësuar. Dhe vendeve që e bëjnë Gjermaninë përgjegjëse për këtë gjë ata nuk duan t’ u bëhen lëshime. Kështu për shembull gati dy të tretat thonë se britanikët nuk duhet të marrin të drejta të posaçme pas daljes nga BE. Vetëm 31 përqind përkrahin partneritetin e privilegjuar me Britaninë e Madhe. Dhe Hungaria e Polonia duhet të dënohen për largimin nga sistemi europian i vlerave. 74 përqind e gjermanëve janë të mendimit se Republika Federale duhet të fuqizohet në përdorimin e sanksioneve, si për shembull zvogëlimin e subvencioneve të BE.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...