Gjendet një bombë e Luftës së Dytë Botërore në Çeki, evakuohen banorët e zonës

00:00 | 22 Gusht 2024
A B

Autoritetet në Republikën Çeke kanë evakuuar 582 banorë nga një zonë ku ndodhet një fabrikë kimike, pranë qytetit Litvinov, në rajonin veriperëndimor të Usti, për shkak të një “rreziku të lartë shpërthimi”, pas zbulimit të një bombe të Luftës së II Botërore.

Sipas menaxhmentit të kompanisë së naftës, bomba u zbulua gjatë punimeve të gërmimit në një zonë të largët të uzinës Orlen Unipetrol. Bomba me peshë 250 kilogramë do të qëndrojë në vend deri më 27 gusht.

Agjencia çeke e lajmeve, CNA, tregon se në zonën më të gjerë të Mostit, pranë kufirit gjerman, janë gjetur disa herë municione të kohës së Luftës së Dytë Botërore, të cilat nuk kishin shpërthyer.

Në maj 2021, rreth 5,400 njerëz u detyruan të linin shtëpitë e tyre për arsye sigurie pasi një bombë e tillë u gjet pranë një fabrike kimike./abcnews/

Shpërndaje në rrjete sociale

Lajmet më të lexuara

Të ngjashme

Foto lajm