Gjatë përleshjeve me forcat izraelite në Bregun Perëndimor vriten tre palestinezë

15:28 | 29 Nëntor 2022
A. B.

Tre palestinezë janë vrarë nga forcat izraelite në dy incidente të ndara në Bregun Perëndimor, thanë zyrtarët palestinezë.

Dy nga të vrarët raportohet se ishin vëllezër rreth të 20-tave, të cilët thuhet se u qëlluan për vdekje pasi shpërthyen përleshjet me trupat izraelite pranë Ramallahut.

Ushtria izraelite deklaroi se të dyshuarit hodhën bomba me benzinë ndaj trupave gjatë një operacioni dhe se ata iu përgjigjën zjarrit.

Burri i tretë u qëllua për vdekje pasi dy xhipa të ushtrisë izraelite në patrullë u prishën pranë Hebronit, raporton BBC.

Ushtria tha se forcat e saj u qëlluan dhe se ndaj tyre u hodhën eksplozivë të improvizuar.

Izraeli kryen bastisje kërkimi dhe arrestimi pothuajse çdo natë në Bregun Perëndimor, ku të paktën 140 palestinezë janë vrarë këtë vit, shumica nga zjarri izraelit. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm