Gina Haspel ka marrë detyrën e drejtoreshës së Agjencisë së Inteligjencës Amerikane, transmeton portali arbresh.info

Ajo e mori këtë detyrë pas shkarkimit të Sekretarit të Shtetit Rex Tillerson dhe emërimit të ish drejtorit të CIA-s Mike Pompeo në këtë detyrë.

Haspel është gruaja e parë në krye të agjencisë, pasi që CIA është drejtuar gjithnjë nga burrat.

Haspel, është në CIA që nga viti 1985, ku pjesën më të madhe të karrierës e ka kaluar si agjente e fshehtë. Ajo ka fituar disa çmime, përfshirë atë të George H. W. Bush për cilësi të shkëlqyer në kundër terrorizëm dhe gradën presidenciale, çmimi më i lartë në shërbimin civil federal. Ajo gjithashtu ka mbikëqyrur torturimin e disa të dyshuarve terroristë.

Një raport i New York Times i vitit 2017 thotë se Haspel, në 2002, mbikëqyrte torturimin e dy të dyshuarve në një burg sekret në Tajlandë dhe më vonë u përfshi në shkatërrimin e videokasetave që dokumentonin torturën.

Një nga të burgosurit ishte futur në ujë 83 herë brenda një muaji, koka e tij ishte përplasur vazhdimisht në mure dhe vazhdoi me metoda të tjera të ashpra para se hetuesit të vendosnin se ai nuk kishte informacione të dobishme për të ofruar, sipas Times.

Si rezultat i kësaj torture, ajo u largua nga roli i saj si kreu i shërbimit të fshehtë të CIA-s, transmeton arbresh.info.

Haspel u zgjodh për të drejtuar njësinë e operacioneve klandestine të CIA-s në vitin 2013, por Senatori Dianne Feinstein, i cili ishte demokrat i lartë në Komisionin e Inteligjencës të Senatit në atë kohë, bllokoi promovimin për shkak të historisë së torturës të Haspel.

Brenda agjencisë, megjithatë, Haspel thuhet se është shumë i respektuar – dhe ka mbështetje nga anëtarët e administratës së Bushit dhe të Obamës./Arbresh.info/