Ghouta, Trump e quan sjelljen e Rusisë dhe Iranit “të turpshme”

00:11 | 24 Shkurt 2018
Trina Galanxhi

Presidenti amerikan Donald Trump ka dënuar ashpër veprimet e qeverisë siriane dhe mbështetsve të saj, Rusisë dhe Iranit në Ghoutan Lindore.

“Ajo që Irani dhe Rusia janë duke bërë gjatë ditëve të fundit është një turp humanitar”, tha Trump në një konferencë shtypi, transmeton portali arbresh.info

“Ajo që këto tre vende janë duke bërë për njerëzit është e turpshme”, shtoi ai.

Departamenti i Shtetit ka thënë se Rusia, forca ajrore e së cilës po godet gjithashtu Ghouta Lindore, ka një “përgjegjësi unike” për numrin e vdekjeve në rritje në enklavën e rrethuar.

Liderët europianë kanë bërë thirrje për një armëpushim të menjëhershëm me qëllim lejimin e ndihmave humanitare dhe evakuimet e civilëve.

Sulmet ajrore të kryera nga qeveria siriane në Ghoutan Lindore, për pesë ditë kanë lënë të vdekur 400 persona./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm