Gazetarja ruse e cila u arrestua pasi protestoi kundër luftës në Ukrainë në një transmetim të drejtpërdrejtë të lajmeve, ka deklaruar se ka dashur të tregojë të vërtetën për qytetarët e saj.
Marina Ovsyannikova, redaktore e Channel 1, medium i kontrolluar nga shteti, u arrestua pasi protestoi gjatë edicionit të lajmeve duke mbajtur një shënim në të cilin shkruhej “jo luftë”, transmeton portal arbresh.info
Duke folur për programin “This Week” të transmetuesit amerikan ABC të dielën, Ovsyannikova tha se ajo ndjeu se punëdhënësi i saj po përhapte “gënjeshtra” në lidhje me pushtimin rus të Ukrainës.
“Unë mund të shihja se çfarë po ndodhte në realitet në Ukrainë,” tha ajo. “Ajo që treguam në programet tona ishte shumë e ndryshme nga ajo që po ndodhte në realitet”.
Sipas Ovsyannikova, ajo fillimisht mendoi t’i bashkohej protestave në rrugë në Rusi, por vendosi që protesta e saj në televizion do të ishte më “domethënëse” dhe do të kishte një ndikim më të madh.
Ajo u lirua nga paraburgimi pas një marrjeje në pyetje 14-orëshe dhe u gjobit me 30,000 rubla ( 227 dollarë)./arbresh.info/
UEFA pranon gabimin e gjyqtarëve në ndeshjen çerekfinale të ...
KFOR-i bashkë me Policinë e Kosovës rrisin patrullimet në ve...
Haradinaj dekoron Medën me medaljen “Me besim në Zot, Atdhe ...
Trajnimi nga ICITAP, Hoxha: AMP-së, mbështetje për të forcua...
Po bënin gara me vetura, gjobitën dy shoferë në Vushtrri – u...
Claudio Bravo edhe pse i pensionuar i gatshëm të rikthehet t...