Google ADS

Gaza shënon përvjetorin e “Marshit të Kthimit të Madh”

15:16 | 30 Mars 2019
Arbresh.info

Mijëra palestinezë janë mbledhur në Rripin e Gazës për të shënuar përvjetorin e fillimit të protestave në afërsi të gardhit kufitar me Izraelin.

Të paktën 189 palestinezë dhe një ushtar izraelit është vrarë mes marsit dhe dhjetorit të vitit 2018, thotë OKB, transmeton portali arbresh.info.

Tubimet mbështetën të drejtën e deklaruar të refugjatëve palestinezë që të ktheheshin në shtëpitë stërgjyshore në atë që është tani Izraeli.

Një hetim i OKB thotë se ushtarët izraelitë mund të kenë kryer krime lufte gjatë marshimeve – një akuzë që Izraeli refuzon.

Kjo ditë proteste do të jetë një provë serioze e qetësisë së brishtë midis Izraelit dhe Hamasit, grupi islamik në Gaza, thotë Yolande Knell i BBC në Jerusalem.

Egjipti dhe OKB kanë negociuar për të penguar një përshkallëzim të mëtejshëm pas një jave të tensionuar në të cilën militantët palestinezë qëlluan raketa në Izrael dhe forca ajrore e Izraelit goditi dhjetëra vende në Gaza./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm