Bill Gates ka njoftuar se fondi i tij për klimën do të jep rreth 1.5 miliardë dollarë në projekte me Shtetet e Bashkuara nëse qeveria miraton një program për të ulur emetimet e karbonit që aktualisht po funksionon përmes Kongresit.

Një paketë infrastrukturore prej 1.2 trilionë dollarësh e miratuar nga Senati amerikan këtë javë do t’i jepte miliarda dollarë Departamentit të Energjisë për projektet që luftojnë ndryshimet klimatike, transmeton portal arbresh.info

Nëse paketa e infrastrukturës bëhet ligj, “ky bashkëpunim jo vetëm që do të na dërgojë në një rrugë më të qëndrueshme drejt zeros neto, por do të krijojë vende pune të menjëhershme dhe afatgjata në komunitetet në të gjithë vendin,” tha Gates në një deklaratë të publikuar nga CNBC.

Duke financuar punën në rrugë, ura dhe porte, si dhe ujë të pastër dhe internet me shpejtësi të lartë, Presidenti amerikan Joe Biden tha se ligji-i cili ende ka nevojë për miratimin e Dhomës-do të krijojë mijëra vende pune me pagesë të lartë për njerëzit e padiplomuar.

Fondi i Gatesi drejtuar nga kompania e tij Breakthrough Energy do të shpenzonte 1.5 miliardë dollarë gjatë tre viteve me qëllim të eliminimit të emetimeve të gazrave serë që kontribuojnë në ndryshimin e klimës, sipas raporteve të mediave amerikane.

Projektet mund të përfshijnë aeroplanë që nuk nxjerrin ndotje dhe teknologji për kapjen e karbonit nga ajri./arbresh.info/