Fundoset barka, humbin jetën shtatë migrantë në Turqi

10:12 | 26 Dhjetor 2019
Arbresh.info

Një varkë që po barte emigrantë në Pakistani, Bangladeshi dhe Afganistani është fundosur në liqenin Van në lindje të Turqisë, ku raportohet për shtatë persona të vdekur.

Liqeni është në afërsi të kufirit me Iranin, nga ku migrantët shpesh kalojnë në Turqi në udhëtimin e tyre drejt Evropës, transmeton portali arbresh.info.

Gjashtëdhjetë e katër persona janë shpëtuar dhe dërguar në spitalet dhe strehimoret në afërsi.

Incidenti ndodhi rreth orës 03:00 të kohës lokale. Nuk është e qartë se pse ishin në një barkë në liqenin që është tërësisht brenda Turqisë.

Barka u fundos pasi u përmbys gjersa iu afrua qarkut Adilcevaz në Bitlis, në brigjet veriore të liqenit, tha zyra e guvernatorit.

Pesë persona janë gjetur të vdekur në vendin e ngjarjes e dy të tjerë ndërruan jetë në spital./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm