Google ADS

Fundoset anija, humbin jetën 29 persona

17:04 | 25 Nëntor 2018
Arbresh.info

Të paktën 29 persona kanë vdekur, pasi anija me të cilën po lundronin u fundos në Liqenin Viktoria, thanë policia në Ugandë.
Anija kishte në bord rreth 100 persona kur u fundos afër qytetit të Ugandës, Kampala.

Në Liqenin Viktoria ndodhin shpesh aksidente. Në të shumtën e rasteve anijet fundosen për shkak të mbingarkesës.

Zëdhënësi i policisë, Patrick Onayango i tha Reuters se “anija ishte e stërmbushur dhe moti ka qenë i keq”, raporton rel.

Më shumë se 20 persona janë shpëtuar pasi anija është fundosur, por autoritetet thonë se ka edhe persona të zhdukur.

Në anije besohet se kanë qenë personalitete të ndryshme, përfshirë artist dhe pjesëtarë të afërt të familjes mbretërore, të cilët po merrnin pjesë në një ndejë që ishte organizuar të mbahej gjatë gjithë fundjavës në këtë anije.

Autoritetet thanë se besojnë se shumica e udhëtarëve nuk kishin jelek të shpëtimit në momentin e fundosjes së anijes.

Shpërndaje në rrjete sociale

Lajmet më të lexuara

Të ngjashme

Foto lajm