Google ADS

Fundi i dramës në Keln, policia gjermane arreston burrin që mbante peng një grua

18:41 | 15 Tetor 2018
Arbresh.info

Kriza e pengmarrjes në Keln të Gjermanisë, ka marrë fund pas futjes në aksion të njësive speciale të policisë të cilët arritën ta kapin burrin që mbante peng brenda barnatores një grua.

Sulmuesi raportohet se është lënduar gjatë aksionit policor dhe aktualisht është në reanimacion, derisa gruaja që ishte marrë peng ka pësuar lëndime të lehta trupore, transmeton Telegrafi.

Rreth orës 13:00 në stacionin kryesor të trenat në Keln të Gjermanisë ishin dëgjuar të shtëna armësh, kurse një person i armatosur kishte marrë peng një grua të cilën e kishte futur brenda një barnatore.

Policia gjermane kishte konfirmuar në Twitter, se kishin ndodhur të shtënat dhe se në vendin e ngjarjes kishin dalë forca të shumta të policisë si dhe ekipet e negocimit.

Por, pas intervenimit të njësive speciale, agresori është arrestuar kurse zona që ishte evakuuar për shkaqe sigurie është rihapur. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm