Google ADS

Frikë për shpërthimin e një lufte më të madhe në Lindje

08:35 | 22 Shkurt 2018
Arbresh.info

Zëvendësministri i punëve të jashtme të Iranit thotë se situata tek aleati i saj Siria është shumë e komplikuar, në kohën kur po rriten shqetësimet për zgjerimin e luftës në rajon.

“Frika nga lufta është kudo në rajonin tonë”, Abbas Araqchi tha për BBC.

Kjo deklaratë vjen pasi Izraeli shënjestroi vende iraniane në Siri më parë këtë muaj, transmeton portali arbresh.info

Araqchi tha se prezenca e Iranit në Siri nuk ka për qëllim krijimin e një fronti të ri kundër Izraelit, por të luftojë terrorizmin.

“Vetëm imagjinoni nëse nuk do ishim atje. Tani do të kishit Daesh [grupin e Shtetit Islamik] në Damask, dhe ndoshta në Bejrut dhe vende të tjera”, tha ministri.

Ai shprehu keqardhje për vuajtjet në periferi të Damaskut të Ghouta ku bombardimet siriane gjatë ditëve të fundit kanë vrarë një numër civilësh./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm