Francezët kërkojnë Barack Obamën që ‘të kandidojë’ për president në Francë

15:48 | 22 Shkurt 2017
Trina Galanxhi

Francezët ngjajnë të pakënaqur me kandidatët e tyre për zgjedhjet presidenciale, prandaj kanë kërkuar që ish-presidenti i SHBA-ve, Barack Obama, të marrë në dorë ‘frerët’ e vendit.

Një faqe interneti ka filluar një peticion që të kërkojë kandidimin e Obamës për president në Francë, transmeton portali arbresh.info.

Kjo faqe kërkon rreth 1 milion njerëz që të nënshkruajnë peticionin para 15 marsit në mënyrë që Barack Obama të bindet për të kandiduar në zgjedhjet presidenciale në Francë.

Kur janë pyetur pse duan që të kandidohet Obama, përgjegjësit e kësaj faqe internet kanë thënë se ai e ka ‘CV-në më të mirë në botë për këtë punë’.

Të kontaktuar, përsonat pas kësaj fushate, kanë thënë se ‘do të befasoheshin nëse një gjë e tillë do të ndodhte në të vërtetë’, megjithatë ata kërkojnë nga votuesit francezë që të mendojnë mirë për të ardhmen para se të votojnë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm