Vaksina përforcuese e COVID-19 do të jetë e detyrueshme për të gjithë të rriturit në Francë me qëllim për të hyrë në ambiente publike si restorante, kafene, kinema dhe muze, duke filluar nga viti i ardhshëm, tha të enjten ministri i Shëndetësisë, Olivier Veran, transmeton Anadolu.
Veran përjashtoi kufizimet, përfshirë “izolimin, orën policore, mbylljen e hershme të dyqaneve ose kufizimin e lëvizjes”, në një konferencë për media për të zbuluar masat mes rasteve në rritje të koronavirusit.
“Kemi mjetet për të luftuar këtë valë të pestë. Mund të arrijmë ta kalojmë këtë valë pa kufizime të mëtejshme për popullatën”, tha ai teksa njoftoi se vaksina përforcuese do të jetë e hapur nga e shtuna për të gjithë të rriturit, pesë muaj pas injektimit të tyre të fundit.
Në mungesë të dozës së tretë, leja shëndetësore, prova dixhitale e vaksinimit ose rezultati negativ i testit RT-PCR për hyrje në vende publike dhe sociale, do të jetë i pavlefshëm nga 15 janari, shtoi Veran.
Për të shtyrë 6 milionë personat e pavaksinuar drejt marrjes së vaksinës, qeveria uli vlefshmërinë e testeve RT-PCR në 24 orë duke filluar nga 29 nëntori.
Mbajtja e maskave do të jetë e detyrueshme nga 26 nëntori, në të gjitha mjediset e mbyllura, vendet publike dhe vendet e mëdha si tregjet e Krishtlindjeve.
Çmime të njejta dhe lirim nga pagesa për 7 kategori, Komuna ...
Kolona në Merdare dhe te Dheu i Bardhë, mërgimtarët po presi...
Detaje të reja për rastin në Mal të Zi
Aksidenti i rëndë i mori jetën 24-vjeçares, policia arreston...
Luftë, vrasje, tensione dhe katastrofa, ngjarjet që tronditë...
Superkupa e Italisë: Sot dhe nesër zhvillohen gjysmëfinalet,...