Francë, sulmet islamofobike rriten ndjeshëm në vitin 2019

17:09 | 28 Janar 2020
A. B.

Presidenti i Observatorit Kombëtar të Islamofobisë në Francë, Abdallah Zekri, tha se sulmet islamofobike në këtë vend janë rritur për 54 për qind në vitin 2019, transmeton Anadolu Agency (AA).

Përmes një deklarate me shkrim, Zekri tha se në vitin 2018 në Francë u regjistruan 100 sulme kundër muslimanëve, ndërsa ky numër në vitin 2019 u rrit në 154.

Zekri deklaron se sulmet kryesisht kanë ndodhur në rajonet Ile-de-France, Rhones-Alpes dhe Paca.

Ai gjithashtu tha se nuk ka lidhje midis Islamit dhe terrorizmit dhe se muslimanët në Francë duhet të kenë mundësi ta praktikojnë fenë e tyre lirshëm si anëtarët e feve të tjera.

Franca ka popullsinë më të madhe myslimane në Evropë me rreth pesë milionë, kryesisht nga vendet e Afrikës së Veriut.

Shpërndaje në rrjete sociale

Lajmet më të lexuara

Të ngjashme

Foto lajm