Google ADS

Francë, pritet një valë e katërt e COVID-19

16:02 | 30 Qershor 2021
A. B.

Me shumë gjasë, Franca do të përballet me një valë të 4-t të koronavirusit për shkak të përhapjes së variantit delta, i identifikuar fillimisht në Indi. Këtë e tha këshilltari shkencor i qeverisë, profesor Arnaud Fontanet.

Sipas tij, vala e 4 mund të godasë Francën në fillim të vitit të ri shkollor. Megjithatë, eksperti i shëndetësisë mendon se fushata e vaksinimit do të ndihmojë në zbutjen e efekteve të valës së re të pandemisë.

“Mesazhi lidhur me vaksinimin është ekstremisht i rëndësishëm pasi me dy doza të vaksinës të cilat parandalojnë shtrimet në spital në 95 për qind të rasteve, ka shumë mundësi të parandalojmë që kjo valë e 4-t të mos shtojë presionin në spitale, të shkaktojë ndërlikime të rënda apo edhe vdekje”.
Infektimet me Covid-19 po bien në Francë, me rreth 1800 raste të reja të raportuara mesatarisht çdo ditë. Kjo përfaqëson 3 për qind të mesatares ditore, të raportuar në kulmin e valës së trete, në muajin nëntor.

Shpërndaje në rrjete sociale

Lajmet më të lexuara

Të ngjashme

Foto lajm