Franca ka refuzuar kërkesën për azil të një gazetari të njohur sirian, i cili kontribuoi në botime të shumta ndërkombëtare dhe ndihmoi në dokumentimin e krimeve të kryera nga xhadistë të huaj në Siri.

Ai tani rrezikon të dëbohet përsëri në atdheun e tij nga vendndodhja e tij aktuale në Turqi, transmeton portal arbresh.info

Hussam Hammoud, i cili kontribuoi për France 24, Guardian dhe shumë media tjera, tha se atij iu mohua një vizë humanitare për veten, gruan dhe dy fëmijët e tij, pavarësisht se kishte marrë kërcënime në Turqi dhe Siri.

“Sot kërkesa ime për azil në Francë u refuzua pa asnjë shpjegim,” shkroi Hammoud në Twitter. “E di se çfarë mund të ofroj më shumë se të gjitha hetimet që kam punuar për agjencitë më të mëdha të medias franceze”.

Hammoud ka raportuar nga e gjithë Siria, përfshirë vendlindjen e tij Raqqa, në një moment selia e grupit të Shtetit Islamik (IS). Ai ndihmoi në dokumentimin e krimeve të kryera nga luftëtarët e huaj të grupit dhe kalimin e provave tek hetuesit perëndimorë.

“Më është dashur të lëviz sepse kam marrë kërcënime serioze. Aktualisht po hetoj rrjetet e financimit të grupit të Shtetit Islamik. Kjo është arsyeja pse unë jam nën presion të madh tani,” tha ai për radion franceze RFI.

Ministria e Jashtme franceze nuk ka dhënë asnjë kooment mbi rastin./arbresh.info/