Franca raporton më shumë se 30 mijë infeksione të reja

00:26 | 16 Tetor 2020
Trina Galanxhi

Franca ka raportuar një rritje të madhe të numrit të rasteve të reja me Covid-19.

30,621 infeksione të tjera u konfirmuan të enjten, nga 22,591 një ditë më pare, shkruan BBC, transmeton portal arbresh.info

Organizata Botërore e Shëndetësisë (OBSH) ka paralajmëruar se kufizimet e ashpra janë “absolutisht të nevojshme” për të shpëtuar jetë.

Miliona banorëve në Europë u është thënë se duhet të jetojnë nën masa të rrepta, ndërsa qeveritë janë duke luftuar valën e dytë të Covid-19.

Britania e Madhe, Franca, Italia, Polonia dhe Gjermania kanë regjistruar një numër të madh të rasteve në 24 orët e fundit dhe kjo vjen si pasojë e testeve masive që po kryhen në këto vende.

Rusia regjistroi numrin e saj më të lartë të viktimave ditore që nga fillimi i epidemisë me 286 njerëz që raportohet se kishin vdekur nga virusi.

OBSH nxiti qeveritë europiane “të rriten” dhe të marrin masa ndërsa kontinenti kaloi një prag prej 1 mijë vdekjesh të raportuara çdo ditë./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm