Franca ndalon shitjet në internet të produkteve të nikotinës

19:05 | 24 Prill 2020
Arditë Shkodra

Franca ndaloi shitjen online të prodhimeve të nikotinës dhe kufizoi shitjen e tyre në barnatore, pasi hulumtuesit sugjeruan se nikotina mund të luajë rol në mbrojtjen kundër koronavirusit.

Rregullat e reja mbulojnë produkte si çamçakezët ose fashat e nikotinës, të krijuara për të ndihmuar njerëzit që të ndalojnë pirjen e duhanit.

Javën e kaluar, të dhënat nga një spital në Paris kanë sugjeruar se duhanpirësit kanë më pak gjasa që të preken me COVID-19, sëmundjen që e shkakton koronavirusi.

Studimet në Francë pritet të vazhhdojnë.

Franca, deri më tash, ka regjistruar mbi 22,000 viktima nga koronavirusi.

Autoritetet planifikojnë t’i heqin gradualisht masat e izolimit nga 11 maji./rel

Shpërndaje në rrjete sociale

Lajmet më të lexuara

Të ngjashme

Foto lajm