Franca kërkon një marrëveshje me Britaninë për zgjidhjen e krizës së emigrantëve në Kanalin anglez

08:18 | 30 Nëntor 2021
Trina Galanxhi

Franca i ka bërë thirrje Bashkimit Europian që të arrijë një marrëveshje me Britaninë e Madhe në mënyrë që të zgjidhet njëherë e mirë kriza e emigrantëve në Kanalin anglez.

Të njejtin propozim do t’i paraqesë kryeministri francez Jean Castex homologut të tij britanik Boris Johnson, transmeton portal arbresh.info

Marrëveshja duhet të përcaktojë qartë përgjegjësitë individuale të Britanisë dhe ato të fqinjëve të saj në anën tjetër të Kanalit anglez, tha ministri i Brendshëm francez Gerald Darmanin pas bisedës me Presidentin Emmanuel Macron në Paris.

Britania u përjashtua nga takimi pasi kryeministri britanik Boris Johnson ndezi një mosmarrëveshje diplomatike duke publikuar letrën e tij drejtuar Macron, duke kritikuar mënyrën se si Parisi e menaxhon situatën në terren.

Zyrtarët britanikë dhe francezë kanë fajësuar njëri-tjetrin për vdekjen e 27 emigrantëve që u mbytën në Kanalin anglez të mërkurën e kaluar në përpjekje për të arritur në Britani./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm