Franca ka dënuar vendimin e Donald Trumpit për t’u tërhequr nga marrëveshja bërthamore me Iranin dhe është zotuar të sigurojë se marrëveshja e 2015-ës nuk ka vdekur.
Ministri francez i Financave Buno Le Maire tha se Trump kishte bërë një gabim dhe që Shtetet e Bashkuara nuk duhet të konsiderojnë veten si “policë ekonomikë” të botës, pasi Amerika rivendosi sanksionet financiare kundër Iranit, transmeton portali arbresh.info.
Presidenti francez Emmanuel Macron, së bashku me Britaninë e Gjermanin kanë shprehur keqardhjen për vendimin e Trumpit dhe kanë konfirmuar përkushtimin ndaj marrëveshjes, fjalë të cilat janë përsëritur edhe nga Kina e Rusia.
Zyrtarët evropianë do të bëjnë gjithçka të mundshme për të mbrojtur interesat e kompanive që punojnë në Iran, të cilat tani mund të ekspozohen ndaj sanksioneve të reja të SHBA-ve kundër vendit, tha një zyrtar në presidencën franceze.
“Marrëveshja nuk ka vdekur. Ka një tërheqje të amerikanëve nga marrëveshja, por ajo ekziston ende”, tha ministri i jashtëm francez Jaan-Yves Le Drian.
Le Drian tha se Franca, si të tjerët ishte shumë e vetëdijshme se kishte shqetësime për çështje të tjera përveç aftësive bërthamore, dmth tema të tilla si programi i armëve balistike të Iranit, por shtoi se ato gjithashtu mund të adresohen pa braktisjen e marrëveshjes bërthamore./Arbresh.info/
Trepça e nis me fitore ndaj Golden Eagle Yllit
KFOR: Përgjegjësit e sulmit në Banjskë të dalin urgjentisht ...
UEFA ndalon Ineos të ndërveprojë me Nicen para ndeshjeve në ...
Drejtorja Menaxhuese e FMN-së: Rezultatet e Kosovës në menax...
Greqia dhe Turqia shqyrtojnë mundësinë e fillimit të bisedim...
Rama bashkëbisedim me shqiptarë të Amerikës: Shqipëria dyfis...