Organizatat Amnesty International dhe Human Rights Watch kanë akuzuar Izraelin se po përdor municion me fosfor të bardhë ndaj civilëve në Gaza dhe Liban.
Në qytetin libanez Daraja, pranë kufirit izraelit, popullsia ndodhet në frikë që kur shteti hebre sulmoi më 16 tetor, duke përdorur këtë lloj substance.
“Është si një re. Fosfori i bardhë digjet deri në kockë. Ai nuk ndalon së djeguri derisa takon oksigjenin. Edhe plagë të vogla shpesh herë mund të rezultojnë fatale për shkak se lënda hyn në enët e gjakut. Ndaj, kur përdoret si armë, ai është një armë ndezëse që mund të shkaktojë dëme tek njerëzit”, thotë Ramzi Kaiss, Human Rights Watch.
“Ne kemi lokoalizuar dhe verifikuar video që tregojnë të shtëna artilerie që shpërthejnë mbi Gaza dhe Liban, që lënë pas fosfor të bardhë. Kemi folur me mjekë që kanë trajtuar 9 persona, ndaj dhe prova është e pakontestueshme. Për këtë arsye po bëjmë thirrje për një hetim të pavarur për shkelje të ligjeve ndërkombëtare”, shprehet Donatella Rovera, Amnesty International.
Të enjten, trupat e dy barinjve libanezë të qëlluar për vdekje pranë lumit që ndan vendin nga Izraeli u gjetën në jug të Libanit. Agjencia lokale e lajmeve raportoi se ata ishin vrarë nga trupat izraelite teksa kalonin me kopenë e tyre.
Jugu i Libanit është kthyer në skenë të bombardimeve dhe luftimeve mes Izraelit dhe lëvizjes Hezbollah. Me këto dy vdekje, numri i viktimave në anën libaneze ngjitet në gjashtë.
“Nuk është e drejtë”, Flick ‘godet’ Real Madridin për veprim...
“Harruam mbesën brenda, dolëm me vrap nga frika”, banorët rr...
“Nuk është e drejtë”, Flick ‘godet’ Real Madridin për veprim...
Gjethet e hurmave për kocka dhe zemër të fortë
Si ta përballoni vetminë pas ndarjes nga një lidhje e gjatë?
Droni rus godet një ndërtesë banimi në Kiev