Rusia lëshoi dhjetëra raketa dhe dronë në Ukrainë gjatë natës, njoftuan këtë të shtunë Forcat Ajrore të Ukrainës, pasi Kievi u kërkoi aleatëve të saj më shumë mjete për të siguruar mbrojtjen e saj ajrore.
“U krye një sulm ajror armik me gjithsej 40 pajisje”, 37 raketa dhe tre dronë, njoftoi Forca Ajrore, duke shtuar se ka shkatërruar tetë raketa.
“Më shumë se 20 makineri” nuk arritën të godasin objektivin e tyre pasi u devijuan nga kursi i tyre nga “kundërmasat elektronike“.
Nuk janë dhënë detaje mbi objektivat e sulmit.
Shumica e raketave të lëshuara gjatë natës ishin raketa balistike me shpejtësi të lartë, tha Forcat Ajrore. Këto raketa janë shumë më të vështira për t’u rrëzuar.
Mbrojtja ajrore rrëzoi raketat ruse në të paktën pesë rajone anembanë Ukrainës, sipas zyrtarëve lokalë në ato provinca.
Sipas policisë, mbetjet e raketës së rrëzuar kanë goditur shtëpi private dhe kanë dëmtuar ndërtesa./abcnews.al
Fillojnë trajnimet për noterët e rinj, Haxhiu iu uron sukses...
Hetimi i brendshëm konstaton mangësitë në atentatin ndaj Tru...
Begaj në Ditën e Paqes: Bota është trazuar në mungesë të saj
Sulmuan fizikisht zyrtarët policorë, arrestohen tre persona ...
Sekuestrohen barna pa banderola me vlerë 1500 euro, arrestoh...
Serbia përgatit 500 trupa për ndërhyrje në veri, Shala: Nuk ...
Skip to content
